BIM Management Course

تُعد تقنيات الـ BIM Modeling واحدة من أحدث وأقوى الأدوات في صناعة التشييد الحديثة. ومع توسع المشروعات الكبرى، أصبح من الضروري وجود أدوات متقدمة لإدارة المشروع ومتابعته وعرضه بشكل احترافي بالاستعانة بالبيم.

من هنا ظهر دور برامج الـ BIM Management زي Autodesk Navisworks و Bentley Synchro Pro، اللي بتمكن المهندس من ربط الموديل الثلاثي الأبعاد (3D Model) اللي جهزناه مع الجدول الزمني والتكلفة لإخراج محاكاة متكاملة:

• 4D Simulation (إدارة الزمن).


• 5D Simulation (إدارة التكلفة).

يعني ببساطة فكرة الكورس ده هي الربط بين الـ 3D Model اللي على برنامج الريفيت مع الجدول الزمني للمشروع اللي على برنامج البريمافيرا، والربط ده بيتم عن طريق البرامج اللي بيتم شرحها بالكورس (وهي من برامج البيم الخاصة بإدارة المشروعات والمحاكاة).

الاستفادة من الربط بين المودل والبرنامج الزمني إن المشروع بدل ماهو 3D بيكون 5D لأن بيظهر عوامل جديدة زي الوقت والتكلفة، وده بيساعدنا في عرض بريزنتيشن لجميع مراحل المشروع بشكل احترافي، وكشف التعارضات (Clash Detection)، إعداد تقارير دقيقة للمشروع.

الكورس مناسب لمهندسي إدارة المشروعات وخاصة Planning & Cost Control Engineers ومهندسي الـ BIM وCoordination بمختلف التخصصات والمهندسين الراغبين في احتراف مجال الـ BIM Management والعمل في كبرى المكاتب داخل مصر ودول الخليج.

البرامج المستخدمة في الكورس

• Autodesk Navisworks Manage


• Bentley Synchro Pro

باجتيازك للكورس هيكون عندك المقدرة على عمل 4D & 5D Simulation وربط الموديل بالجدول الزمني والتكلفة واكتساب مهارة Controlling & Presenting Projects بشكل احترافي، واستخدام أدوات Clash Detection لاكتشاف المشكلات وحلها مبكراً مع عمل Quantification سريعة ودقيقة لعناصر المشروع، والربط العملي بين Revit Models والجداول الزمنية من Primavera P6 و MS Project.

موضوعات الكورس

أولاً: Navisworks Manage

• التعرف على واجهة البرنامج وأساسيات الـ BIM: هنتعرف على الواجهة الرئيسية للبرنامج، القوائم المختلفة وأدوات العرض، وإزاي نقدر نربط الـ BIM بإدارة المشروع من خلال Navisworks. هتشوف إزاي البرنامج بيجمع بين الموديل والجدول الزمني والتكلفة في مكان واحد.


• استيراد وتصدير الموديلات ثلاثية الأبعاد والجداول الزمنية (TimeLiner): هنشوف الطرق المختلفة لفتح الموديلات من برامج زي Revit وتصديرها للـ Navisworks، بالإضافة لاستيراد الجداول الزمنية من Primavera P6 أو MS Project وربطهم بالموديل داخل نافيس ووركس.


• أوامر الاختيار Selection: شرح تفصيلي لأوامر الاختيار البسيطة (Individual Selection) وأوامر الاختيار المتقدمة زي Search Sets & Selection Sets، واللي بتخلي عملية التحكم في عناصر الموديل أسهل وأسرع خصوصاً في المشاريع الكبيرة.


• ربط عناصر الموديل بالجدول الزمني: هنا هنتعلم إزاي نربط بين الأنشطة في الجدول الزمني وبين عناصر الموديل (كالأعمدة – الكمرات – البلاطات) عشان نقدر نعمل متابعة للتكلفة والمدة والكميات بشكل متكامل.


• إعداد فيديوهات 4D & 5D Simulation: هتشوف خطوة بخطوة إزاي نعمل فيديو محاكاة واقعي يوضح تطور المشروع زمنياً (4D) مع ربط التكلفة في كل مرحلة (5D)، بحيث تقدر تعرض المشروع بشكل بصري ومؤثر على الإدارة والعميل.


• كشف التعارضات Clash Detection: واحدة من أقوى الأدوات داخل Navisworks. هنطبق على أمثلة عملية لإيجاد التعارضات بين العناصر الإنشائية والمعمارية والميكانيكية والكهربائية، وهنشوف إزاي نطلع تقرير تفصيلي بالنتائج ونحدد أماكن المشكلات بدقة.


• الحصر الكمي للعناصر (Quantification): هنتعلم إزاي نستخرج كميات من الموديل بشكل سريع باستخدام أداة Quantification، وإزاي نعمل جداول بالكميات والخامات المطلوبة للمشروع. ده بيوفر وقت كبير في أعمال الـ QS.


• التحديث التلقائي للموديل والجدول الزمني: هنتعرف على كيفية عمل Sync للموديل أو الجدول الزمني لو حصل أي تعديل في الـ Revit أو Primavera، بحيث التغييرات تظهر مباشرة في Navisworks بدون إعادة الشغل من الأول.


• تعديل المواد والخامات من الـ Library: هنشوف مكتبة الخامات (Materials Library) داخل البرنامج وإزاي نعدل أو نضيف خامات واقعية لعناصر المشروع.


• تطبيق الـ Rendering وبيئة واقعية: هنتعلم إعداد الـ Rendering بشكل احترافي وإضافة بيئة طبيعية (إضاءة – سماء – أرضية – مباني محيطة) بحيث الموديل يطلع واقعي وكأنه صورة حقيقية.

ثانياً: Synchro Pro

• التعرف على الواجهة الرئيسية وأوامر البرنامج: شرح تفصيلي للـ User Interface، القوائم المختلفة، وأهم الأوامر اللي هتستخدمها بشكل مستمر في ربط الجدول الزمني مع الموديل.


• استيراد الموديل ثلاثي الأبعاد: إزاي نفتح الموديلات من Revit أو IFC أو أي برنامج نمذجة آخر، وإزاي نستخدم أوامر التحديد والفلاتر (Filters) لتبسيط عرض العناصر الكبيرة.


• استيراد الجدول الزمني (Time Schedule): هنستورد الأنشطة من Primavera أو MS Project ونعدل عليها داخل Synchro. كمان هنتعلم أوامر التحكم في الـ WBS وربط الـ Resources بالأنشطة.


• استخدام أوامر Schedule Health Check: دي أداة قوية بتراجع على الجدول الزمني بالكامل وتديك تقرير بجودة الجدول: الأنشطة المفقودة، العلاقات الغير صحيحة، الأنشطة الحرجة.. إلخ.


• إنشاء وعرض Project Curves: هنشوف إزاي نطلع منحنيات الأداء (S-Curves) سواء للوقت أو التكلفة أو الموارد، ونفهم دلالتها في متابعة تقدم المشروع.


• ربط عناصر الموديل بالأنشطة: خطوة أساسية لإنتاج 4D Simulation. هنتعلم إزاي نربط كل عنصر في الموديل مع النشاط الخاص بي في الجدول الزمني بشكل منظم ودقيق.


• إعداد الفيديو النهائي للمشروع: بعد ما نربط الموديل بالأنشطة، هنشوف إزاي نخرج فيديو احترافي يوضح خطوات التنفيذ يوم بيوم أو شهر بشهر، مع ظهور نسب الإنجاز والتكلفة.


• إضافة المعدات Equipment وطرق تحريكها: واحدة من المميزات القوية في Synchro. هنتعلم إزاي نضيف معدات زي الأوناش أو الرافعات ونعمل لها Paths للحركة داخل المشروع، بحيث نعرض المشهد التنفيذي بشكل واقعي.

خلال الكورس يتم التطبيق العملي على أكثر من ملف تجريبي وحقيقي لعدد مختلف من الموديلات، مع تغطية جميع استخدامات وأدوات البرنامجين من خلال الربط بين:
الموديلات الصادرة من Revit.
الجداول الزمنية من Primavera P6 و Microsoft Project.