كورس الديكور والتصميم الداخلى

المحاضر م. ريهام محسن

السعر شامل لينك لتحميل فيديوهات الكورس

وبرنامج التشغيل – خدمة الدعم الفنى – شهادة اتمام الكورس

EGP2500 EGP1500

Sale!
Loading...

محتوى الكورس

مقدمة :
• هنتعلم يعني إي تصميم داخلي و يعني إيه ديكور و إيه هي العناصر المختلفة الخاصة بالتصميم و اللي نقدر نتحكم بيها بحيث نوصل لأفضل نتيجة جمالية و وظيفية للفراغ.
• هنتعلم الأسس الخاصة بتصميم الفراغات المختلفة تبعاً لوظيفة كل فراغ و المراحل الأساسية للتخطيط لتصميم أي فراغ و أهم الإعتبارات الواجب مراعاتها.
• هنفهم يعني إيه مساحة و علاقتها بالملمس.
• هنتعلم الفروق في التصميم بين الفراغات المختلفة وفقاً لوظيفتها.. مثل الوحدات السكنية و التجارية و الإدارية و السياحية و الترفيهية و المستشفيات و العيادات… إلخ.
• هنعرف أهمية دور التصميم الداخلي و الديكور في إحساسنا بالراحة و انعكاس ده على نفسيتنا بشكل كبير
• هنفهم إن التصميم الداخلي مش رفاهية و إننا نقدر من خلاله محقق الإحتياجات البشرية من خلال تلائم و تناغم التصميم مع الهدف الوظيفي للفراغ.

الخامات:
• هنتطرق خلال الكورس لمعرفة الخامات المختلفة المستخدمة في كل بند من عناصر التصميم زي الحوائط و الأسقف و الأرضيات.. إلخ، و إزاي نقدر نختار الخامات اللي تحققلنا الهدف الوظيفي و الشكل الجمالي اللي يتماشى مع التصميم، و هنتعلم إزاي نوظف كل خامة و كل عنصر بشكل مظبوط يحقق أهداف التصميم.

الألوان:
• هنبدأ نفهم العالم السحري للألوان و يعني إيه دائرة الألوان و نظرية الألوان و نتعرف على الألوان الباردة و الألوان الساخنة و إيه هي الألوان الأساسية و يعني إيه خطط لونية
• هنتعلم بشكل علمي إزاي نقدر نحدد الألوان اللي هنستخدمها في كل فراغ و إزاي بيتم تنسيق الألوان بين العناصر المختلفة من أسقف و أرضيات و حوائط و أثاث و مفروشات.
• هنتعلم إزاي نقدر نختار درجات الألوان المناسبة لديكور المكان و اللي تتماشى مع أهدافه الوظيفية.
• هنفهم يعني إيه مصطلح سيكولوجية الألوان.. و أهمية تأثير الألوان على الإنسان و انعكاسها على المزاج العام و الحالة النفسية لمستخدمي الفراغ.
• هنتعلم إزاي نقدر نعرف و نفهم ذوق العميل فيما يخص الألوان و اتجاهات الديكور عشان نقدر نلبي متطلباته و رغباته من خلال التصميم.
• في المرحلة دي نظرتنا للألوان و استخداماتها و تأثيرها بشكل عام هتختلف و هنفهم إزاي نقدر نستوحي ألوان من الطبيعة المحيطة بينا و نوظفها في الديكور.

مدارس و اتجاهات التصميم:
• هنتعرف على أهم المراحل التاريخية للتصميم و إزاي نقدر نستوحي منها أفكار ملهمة لتصميماتنا.
• هنعرف الفروق بين إتجاهات و مدارس التصميم المختلفة و إزاي نقدر نحدد توجهاتنا التصميمية وفقاً لمتطلبات العميل.
• هنعرف الفروق بين (art deco – art nouveau – المدرسة العضوية – المدرسة التكعيبية ) و غيرها كتير من الإتجاهات
• لازم نتعرف على أهم الشخصيات الملهمة لينا زي جاودي، موندريان، و زها حديد و غيرهم كتير من المصممين و المعمارين
• هنتعلم الفروق بين التصميم المودرن و الكلاسيك و على أي أسس بنقدر نختار.. و هل العميل هو اللي بيوجه المصمم ولا العكس، و هنفهم الفروق بين مدارس و توجهات التصميمات المودرن المختلفة.

تصميم الأسقف:
• هنفهم أهمية تصميم السقف في أي فراغ و قد إيه يعتبر من أهم العناصر اللي نقدر نستغلها ديكورياً و وظيفياً.
• هنتعرف على أشهر و أهم أهم الخامات و الأنظمة اللي نقدر نستخدمها و نوظفها في تصميمات الأسقف
• هنتعلم العلاقات بين تصميم الأسقف و ربطه بتصميمات الأرضيات و الحوائط.
• هنتعلم إزاي نقدر نوظف تصميم السقف بحيث يساعدنا في توزيع الإضاءة حسب احتياجاتنا.

تصميم و توزيع الإضاءة:
• اختيار الإضاءة و توزيعها تعتبر من أهم العناصر تأثيراً في أي فراغ، عشان كدة مهم جداً إننا نفهم الأسس العلمية الصحيحة اللي من خلالها نقدر نختار و نوزع الإضاءة بالفراغات المختلفة.
• هنفهم الفروق بين الإضاءة الطبيعية و الإضاءة الصناعية و إمتى و إزاي يتم إستخدامهم و توظيفهم.
• هنعرف الفرق بين الإضاءة المباشرة و الإضاءة الغير مباشرة و إزاي نقدر نحدد اختياراتنا في الإضاءة وفقاً لوظيفة الفراغ و متطلبات العميل.
• هنعرف إزاي نقدر نحدد إختياراتنا من وحدات الإضاءة المختلفة زي السبوت و الليد.. إلخ، و إستخدامات و مزايا و عيوب كل نوع.
• هنتعلم إزاي نقدر نحدد شدة الإضاءة في المكان بحيث ماتكونش مبهرة أو خافتة زيادة عن اللازم، و هنعرف إزاي بيتم توزيع مخارج الإضاءة زي الاسبوتات و المسافات بينها.

تصميم الأرضيات:
• هنتعلم أسس تصميم الأرضيات للفراغات المختلفة و أهم الإحتياطات اللي لازم نراعيها.
• هنعرف علاقة تصميم الأرضية بتصميم السقف و إزاي بنعتبر إن السقف هو إنعكاس للأرضية و لازم يتم الربط بينهم عشان نحقق وحدة الفراغ.
• هنعرف إيه هي الخامات المختلفة اللي ممكن نستخدمها في تصميم الأرضيات و إزاي نوظف الخامات دي بأفضل شكل ممكن
• هنعرف الفرق بين خامات الأرضيات المختلفة زي البورسلين و السيراميك و الرخام و الجرانيت و الباركية و الـ HDF و الفينيل… إلخ، و إزاي نقدر نحدد خامة الأرضية اللي تحققلنا أهدافنا التصميمية و الوظيفية للمكان.

تصميم الحوائط:
• هنتعلم و نفهم أسس تصميم الحوائط و الأفكار اللي ممكن تتنفذ في الحوائط من خلال تصميماتنا.
• هنتعلم الربط بين تصيم الحوائط مع الأرضيات و الأسقف.
• هنتعرف على الخامات المختلفة اللي بنستخدمها في تصميمات الحوائط، و نقدر نحدد أي الخامات دي هيتلائم مع إختياراتنا التصميمية بالمكان.
• هنعرف إمتى نقرر نستخدم الدهانات العادية أو السبونج و إمتى نستخدم دهانات لامعة أو نصف لامعة أو مط.
• هنعرف إزاي نقدر نوظف ورق الحائط بشكل رائع في تصميماتنا.
• هنعرف إمتى نقرر نستخدم الأحجار الطبيعية أو الصناعية أو التجاليد الخشبية للحوائط.
• هنتعلم إزاي نقدر نستغل الأركان و الزوايا و الأعمدة البارزة و توظيفها بشكل إبداعي يتناغم مع تصميمات باقي العناصر.

تصميم المطابخ:
• تعتبر من أهم المراحل التصميمية و اللي بتفرق بصورة كبيرة في أي وحدة سكنية و بتضفي على المكان رونق ذو طابع خاص و مميز.
• هنتعلم أسس تصميم و فرش المطابخ بشكل علمي سليم.
• هنعرف الأبعاد الاستاندرد لوحدات المطابخ و للأجهزة.
• هنتعلم إزاي يتم عمل تصميم إحترافي للمطابخ من خلال توزيع الوحدات و الأجهزة بشكل مظبوط و بطريقة عملية تتيح حرية الحركة داخل فراغ المطبخ.
• هنتعرف على الخامات المختلفة المستخدمة في صناعة وحدات المطابخ و إزاي نقدر نحدد الخامة الأنسب ديكورياً و وظيفياً.
• هنعرف إيه هي أهم الإكسسوارات اللي نقدر نستخدمها و نوظفها في المطابخ و اللي تساهم في راحة مستخدمي المكان و تحقق الهدف الوظيفي لكل عنصر.
• هنتعلم أسس توزيع مخارج الكهرباء بالمطبخ و علاقتها بفرش المطبخ و أماكن الأجهزة
• هنعرف إزاي يتم الربط بين تشطيب أرضيات و حوائط و سقف المطبخ، و إيه أنسب الخامات اللي نقدر نستخدمها في كل عنصر من عناصر الفراغ.

تصميم الحمامات:
• هنتعلم إزاي يتم فرش الحمامات و توزيع الأجهزة الصحية، و أهم الأسس و الإحتياطات الواجب مراعاتها.
• هنعرف إزاي نختار الأجهزة الصحية و النواكل اللي تتماشى مع إتجاه التصميم.
• كيفية إختيار سيراميك الحمام للحوائط و الأرضيات، و أشهر الأخطاء اللي أغلب الناس بيقعوا فيها في إختيار السيراميك.
• هنعرف الفرق بين البانيو العادي و الجاكوزي و كابينة الشاور و الشاور البيلت إن و مزايا و عيوب كل منهم و إزاي نقدر نقرر الإختيار الأنسب.
• هنعرف الفرق بين أنواع الأحواض المختلفة زي الحوض العمود و الركبة و الساقط و المعلق.. إلخ، و كذلك بالنسبة للمراحيض.
• هنتعلم إزاي نختار مكان كل عنصر من عناصر فراغ الحمام بعناية و دقة زي مكان السخان و مكان البيبة و علاقتة كل عنصر بمكان الباب و الشباك.
• هنتعلم إزاي من خلال علاقات بسيطة بين الأرضيات و الحوائط و تصميم سقف الحمام و توزيع الإضاءة بشكل سليم نقدر نضيف لمسة ديكورية رائعة للمكان.

أبعاد الفراغات:
• هندرس في المرحلة دي الأبعاد الاستاندرد و المناسبة لكل فراغ من فراغات المكان حسب وظيفته و إستخدامه.
• هنتعلم أهمية وجود ممرات حركة مناسبة بكل فراغ و علاقة ممرات الحركة بتوزيع الأثاث.

تصميم و توزيع الأثاث:
• هنتعلم الأسس اللي من خلالها بيتم اختيار الأثاث المناسب لكل فراغ بالمنزل، و إزاي اختيار الأثاث يعتبر من أهم القرارات المصيرية في التصميم الداخلي.
• هنعرف أبعاد كل قطعة أثاث بكل فراغ و إزاي نقدر نوظف كل قطعة في مكانها الأمثل وظيفياً و ديكورياً.
• هنتعلم كيفية توزيع الأثاث بشكل إحترافي بحيث نحافظ على ممرات الحركة بالمكان و إزاي نقدر نتغلي على مشاكل الفراغات الضيقة من خلال توزيع الأثاث.
• هنتعلم بعض الأفكار الإبداعية و اللي ممكن تفيدنا في انتقاء و توزيع الأثاث بأي فراغ.

أشهر أخطاء و مشاكل التصميم الداخلي:
• لأن كتير من الأشخاص بيقعوا في أخطاء فادحة و كارثية أثناء تشطيب و فرش وحداتهم السكنية نتيجة عدم الإعتماد على مصمم ديكور متخصص، عشان كدة في المرحلة دي هنوضح أهم الأخطاء المنتشرة و المتكررة و إزاي نتجنبها في تصميم الديكور للوحدات السكنية.

الـFree Hand Sketch  والإظهار المعمارى:
• من أكتر المراحل الممتعة خلال الكورس لأن عن طريقها هنقدر نعبر عن أفكارنا التصميمية من خلال الرسم الحر، و دي من أكتر الطرق إقناعاً للعميل و بتظهر إحترافيتك بشكل كبير.
• حتى لو انت مابتعرفش ترسم.. إحنا في المرحلة دي هنتعلم الأسس و المباديء اللي نقدر بيها نعبر عن تصميماتنا بالرسم.

المشروع التطبيقي:
• لأن مافيش معلومة بتثبت بدون تطبيق فإحنا خلال كل مرحلة من مراحل الكورس هيكون في تطبيق عملي ممتع جداً على كل التفاصيل اللي بندرسها عشان نقدر نقيم مستوانا، و بنهاية الكورس كل متدرب هيكون معاه مشروع كامل يطبق عليه كل اللي اتعلمه في التصميم من البداية للنهاية مروراً بكل مرحلة

شهادة الكورس

شهادة معتمدة من الاكاديمية

مُدة استخدام الكورس

مدي الحياة

المُدة الزَمنية

14  ساعة

عدد المُحَاضرات

69  فيديو مسجل

ريهام محسن

م/ ريهام محسن..
• مدرس مساعد بكلية الفنون التطبيقية قسم التصميم الداخلي و الأثاث – جامعة حلوان
• محاضر زائر بقسم الهندسة المعمارية بمعهد الصفوة العالي
• باحثة دكتوراة تحت عنوان منهجية التصميم الداخلي الإسلامي المعاصر من منظور علوم الطاقة
• حاصلة على درجة الماجيستير في التصميم الداخلي و الديكور من كلية الفنون التطبيقية
• حاصلة على عدة شهادات معتمدة في البايوجيومتري والإنياجرام
• حاصلة على عدة شهادات جودة بتوصيف المقررات و المراجعة الداخلية و التخطيط الإستراتيجي